C”A CAPA DINT”O PALLONE – Young Boys vs. Napoli (‘e ppaggelle)

Cu-a-capa-dinto-pallone

 

RAFAEL s.v.: Stavota tene ‘e stessi ccolpe d”o guvierno quanno chiove. E ne chiovono pallune, a Berna…

 

MAGGIO 5,5: Comme diceva Rafele Aiello dint”a “Io speriamo che me la cavo”: «È fernuta ‘a miscela, prufessò.»

 

HENRIQUE 5: «Trase Hoarau, ca si’ ‘o patrone.»

 

ALBIOL 4: El ombra del partido.

 

GHOULAM 5,5: Ahhh, si sulo quaccheduno le presentasse a nu ferraro bbuono…

 

INLER 5: Per la serie, “nun sape manco addò sta ‘e casa.”

 

JORGINHO 5: Cchiù ca “Giorgio” (comme ‘o chiammavano a Verona), me pare ‘o frate.

 

(dal 75’ Callejón 6,5): Mo comme a mmo, ll’unico “Bueno” ‘e tutto ‘o Napule.

 

MERTENS 5,5: Levato quacche lampo d”e suoje, ‘a solita partita ‘e mmer…tens quanno parte dall’inizio.

 

MICHU 4,5: Nz-nz, miiicio, miiicio! Niente, nun se trova pe nisciuna parte.

 

(dal 61′ Hamšík 5): E mica ce stanno sempe ‘e cumpaesane a fà ‘e regale…

 

DE GUZMÁN 5: “The crying Dutchman”. No, pecché quanno joca accussì fa chiagnere lacreme ‘e sanghe.

 

(dall’85’ Higuaín s.v.) Cinche minute justo pe lle fa saglì ancora cchiù assaje ‘e cinche minute.

 

ZAPATA 5: ‘A meglia parola è chella ca nun se dice.

 

 

di Domenico Ascione (Twitter: @vesuvilandia)

Impostazioni privacy