Tsk, ‘o Costa Rica… ma chi è stu Costa Rica? Eggià, n’avevame che fà nu sulo muorzo, e ‘mmece Ruiz e cumpagnia bella c’hanno mannato a casa cu ‘na mana annanze e ‘n’ata arreto. Nu muorzo ‘e veleno difficile ‘a s’agliottere, specialmente considerato ca nun è mica ‘o primmo. Quatto anne fa riuscetteme adderettura a fà paricchio peggio: dduje punte dint”o girone cu Slovacchia, Paraguay e Nova Zelanda. Ormai s’è capito: chesta nun è ‘na nuvola ‘e passaggio; è ‘na crisi bella ‘e bbona. Nun ce stanno ggiuvane, nun ce sta curaggio e, soprattutto, nun ce stanno sorde. Prandelli s’ha purtato ô Brasile a ‘n’orchestra sgarrupata, addò ognuno va pe fatte d”e suoje, addò a mentre ‘e se sudà ‘a maglia se penza ê sponsòr, a ‘na scarpetella azzurra e a chell’ata rosa. L’unica nota in coro se chiamma Marco, ‘e cugnomme fa Verratti; nu muorzo d’ommo cu nu talento fore scala e nu futuro ‘e fuoriclasse cu ‘a “f” maiuscola si nun se monta pure isso ‘a capa. Da ccà s’ha dda partì, scurdannose ‘o ppassato, ‘o villaggio turistico, ‘a vacanza verdeoro, ‘a capata ‘e Godín, ‘o muorzo a tradimento ‘e Suárez. Però senza ce scurdà ca, stuorto o muorto, ‘sta guida tecnica c’ha purtato a essere vicecampione d’Europa. C’avimme a fà? Forze c’avevame fatto ‘a vocca, e pò, comme se dice, “magnanno vene ‘a famme”. ‘N’idea ‘e juoco diversa, pe ccierti verse assaje poco italiana, ‘o “codice etico”, ‘o rispetto, ‘a serietà. Niente a dicere, guagliù; simme jute a tanto accussì da nu bellu piatto ‘e maccarune, ma intanto ll’urdemo muorzo c’è rimasto ‘ncanna. ‘O muorzo d”a criança, ca in brasileiro vò dicere “criaturo”, e ‘o criaturo nun se jetta certo cu tutta ll’acqua sporca. Mo però è ‘o mumento ‘e cagnà paggina, reggistro e pure prufessore. Ave Caesar, mordituri te salutant!
di Domenico Ascione (Twitter: @vesuvilandia)
il calcio è sempre stato un mondo di cambiamenti continui e di nuove sfide. Nel…
L'ex single di Temptation Island da crepacuore su Instagram: la minigonna è cortissima, lo scatto…
Altro colpo di scena in Serie A: un profilo attenzionato dal Napoli scioglie le riserve…
Svincolatosi dal Napoli negli scorsi mesi, il giocatore ha deciso finalmente di intraprendere una nuova…
Niente da fare per la sfida contro il Real Madrid: l'azzurro non ci sarà, Napoli…
Gli occhi dei dirigenti azzurri già proiettati ai colpi per l'anno prossimo: l'ex Serie A…