Scetate, guaglione ‘e malavita. Scetate, scè! Ma comme maje ‘sta porta nun ‘a vide cchiù? Te manca ‘o boemo c”o sicario, dice ‘a verità. Cu isso facive sfracielle: da fora, da dinto, a giro, ‘a coppa, ‘a sotto, e ‘mmece mo nun ‘a cuoglio manco per iscagno. C’haje ditto, “comme te permiette”? M’aggio bbevuto nu bicchiere ‘e vino, pecché te voglio proprio ‘ntussecà. Quanno te ne veniste â parta mia, ive cchiù guappo ‘e vascio â Sanità; mo c’haje perduto tutta ‘a guapparia, chi è ca te caccià ‘a dint’a ‘a suggità? Sienteme, giuvinò, votta sti piede. Nun t’abbellì ca stongo bbuono ‘e voce. Je me fido ‘e alluccà fino a dimane, e metto ‘ncroce a chi m’ha miso ‘ncroce. Pecché nun vaje cchiù a tiempo c”o ditino? Pecché ‘sta classe nun ‘a faje ascì? Nun chiagnere, nun fà ‘o damerino, sinnò me metto a chiagnere pur’je. Je te voglio bbene assaje, ma tu me pare comme nun capisse. Me si’ figlio, t’aggio visto ‘e nascere, però mo è pure ‘o tiempo ca abbiasse a crescere. Forze te ce vò nu poco ‘e cunvinzione, ‘n’annata ‘e lusso pe te cunsacrà. A vvote è sulamente ‘na quistione, ‘e bbona sorte, comme ‘a vuò chiamma? T’auguro ‘na staggione… ‘e chiapparia!
di Domenico Ascione (Twitter: @vesuvilandia)
De Laurentiis punta alla Champions dopo i due Scudetti Non sarebbe sorprendente se il ciclo…
In scadenza a giugno, Conte può avere un altro rinforzo in anticipo: finalmente un vice…
Le ultime sugli azzurri in vista della sfida di sabato con l'Inter Conte non cambia,…
Il Napoli può dire addio a uno dei suoi senatori Maltempo, anzi tempesta in casa…
Gli azzurri vivono una fase molto delicata e spunta una clamorosa ipotesi per il futuro…
Volano gli stracci dopo la figuraccia in Champions contro il PSV Il Napoli è una…