C”A CAPA DINT”O PALLONE – Ah Lorenzo!

AH LORENZO!

“Nunsigne” te chiammavano, me pare
«Tene sultanto ‘a corza», se diceva
‘A stessa ggente mo se dà da fare
pe fà vedè ca è juta pure ‘nfreva

fegnenno ‘e cumpatè chesta disgrazzia
comme ‘a cumparza imita a ll’attore
e intanto ‘e scimità maje nun se sazzia
Cuntinua a dì ca nun si’ jucatore.

T’haje scunucchiato proprio ‘ncoppa ‘o bbello
C”o core d”e tifose dint”a mano
Lorenzo mio, parive nu gioiello

lucente cchiù d”o mare e ‘a luna stessa
E allò te prego, fallo pe dispietto
sosete ‘a dint”o lietto e tuorne ampressa.

di Domenico Ascione (Twitter: @vesuvilandia)