C”A CAPA DINT”O PALLONE – Sau, Sardo, surdo e ssorde

Sosta fernuta, se joca. A Foregrotta arriva ‘o Cagliari ‘e Zemàn senza ‘o nummero diece. O meglio ‘o nummero nove, chillu Sau ca nu paro d’anne fa levaje ‘e felinie ‘a dint”o set cu n’arcobaleno degno d”o primmo Pinturicchio (“Pinturicchione”, si dimmannasseme a Soviero). ‘O sardo cchiù sardo ‘e tutte quante s’arrenne a n’infortunio all’adduttore e ce saluta. Stavota niente scuse; nun ce sta isso, nun ce sta Del Piero, ce stanno ‘e sarde ma nun ce sta Gennaro (Sardo). È ‘o mumento ‘e dà cuntinuità a nu Napule ca finalmente ha ‘ngranato ‘a marcia e nun se guarda arreto. Dice ca p”o mercato se ne parla doppo ‘o Parma, pecciò s’ha da faticà c”o mmateriale ca tenimme pe ttramente, ca pò guardanno bbuono nun è affatto malamente. Ce gudimme ‘o Pipita – Pipita mia, a Hamšík, David Lopéz, Koulibaly e José María. E pò a gennaio ce sta vasta scelta: Perišić, Vela, Ayew, M’Poku; abbasta ca De Laurentìs se spila ‘e rrecchie, mette mano â sacca e nun ce penza cchiù.

di Domenico Ascione (Twitter: @vesuvilandia)